Presidenti i zgjedhur i Shteteve të Bashkuara, Joe Biden, dhe zëvendësja e tij, Kamala Harris, janë zgjedhur Persona të Vitit nga revista prestigjoze amerikane Time. “Zgjedhja e Biden-Harris përfaqëson diçka historike”, shkroi Time në Tëitter. Dyshja demokrate mundi tre finalistë të tjerë: punonjësit e kujdesit shëndetësor dhe mjekun Anthony Fauci, lëvizjen për drejtësi racore si dhe presidentin aktual të SHBA-së, Donald Trump, i cili humbi garën kundrejt Bidenit. Time, që e përzgjedh personin më me ndikim të vitit që prej 1927-tës, dha edhe argumentin e saj përse konsideron se Biden dhe Harris e meritonin një përcaktim të tillë. “Për ndryshimin e historisë amerikane, për dëshminë e forcat e ndjeshmërisë janë më të mëdha se furitë e përçarjes, për ndarjen e një vizioni të shërimit në një botë të pikëlluar, Joe Biden dhe Kamala Harris janë Persona të Vitit 2020 të revistës Time”, tha kryeredaktori i saj, Edward Felsenthal. Në vitin 2016, Trump, asokohe president i zgjedhur, mori të njëjtën njohje nga revista.Time zgjedh çdo vit një person, një grup, një ide ose një objekt që “për të mirë ose për të keq” ka pasur ndikimin më të madh në ngjarjet e atyre 12 muajve