Po sjell erëra më pak të forta se paraardhësja e saj por ka vështirësuar operacionet e riparimit të rrjetit elektrik në Francë. “Ciaran’ ka lëshuar nga kthetrat evropën pasi mbolli shkatërrim në disa vende të kontinentit dhe ia lë vendin Domingos, një cikloni më pak të fuqishëm por shoqëruar nga erëra të dhunshme. Moti i keq në kontinentin e vjetër po detyron 13 rajone franceze të mbeten në alarm të lartë për rrezikun e përmbytjeve. Domingos nuk do të ketë të njëjtën fuqi me Ciaran, por ekspertët e Meteo France, paralajmërojnë se mund të shkaktojë dëme që rrezikojnë të vështirësojnë operacionet e rikthimit të rrjetit të energjisë elektrike. Ishin rreth 300 mijë persona të ndarë mes Bretanjës, Normandisë dhe Nuova Aqutianias që mëngjesin e të dielës nuk kishin drita. Viktimat nga kalimi i Ciaran dhe goditja përfundimtare e Domingos, janë të paktën tre në Francë. Italia ka regjistruar plot shtatë të tilla, ndërkohë që nuk kanë munguar viktimat edhe në vende të tjera. Mbrojtja civile në itali ka shpallur alarm portokalli në një pjesë të madhe të rajonit të emilia romanias, në toskana dhe disa sektorë të Friuli Venezia Giulias, venetos, ligurias dhe toskanës. Janë rreth 4 mijë ndërhyrjet e kryera nga zjarrfikësit, në ndihmë të popullatës vetëm në Toskana. Në disa zona të Toskanës priten edhe në vijim reshje shirash ndërkohë që sipas guvernatorit rajonal Euxhenio Xhani, janë rreth 300 milionë euro dëmet e shkaktuara.