Pas Britanisë së madhe dhe SHBA, edhe Kanadaja ka nisi fushatën e saj të vaksinimit kundër koronavirusit duke i administruar dozat e para të vaksinës së pfizer dhe biontech punonjësve të kujdesit shëndetësor dhe banorëve të moshuar të shtëpive të kujdesit. Vaksina e parë u transmetua live në TV dhe iu dha Anita Quidangen. Punonjësja e një qendre kujdesi për të moshuarit në toronto, qytetin e dytë më të madh të kanadasë, tha se ajo ishte e emocionuar që kish qenë e para në radhë. Punonjësit e tjerë, me maska dhe bluza të bardha, duartrokitën pasi ajo mori vaksinën. “Ky është një clirim i madh. Dhe ky është vetëm fillimi i fundit pasi ne e ndjejmë tani se kjo pandemi do të ketë një fund”, tha kryeministri Justin Trudeau, duke bërë të qartë se ai nuk do të ngulmonte që të vaksinohej vetë, menjëherë. “Ne sigurisht duhet ti japim prioritet personave që janë më vulnerabël, por në castin që unë do të kem shansin, ashtu si edhe të gjithë të rriturit e tjerë të shëndetshëm, unë do ta bëj vaksinën në sytë e të gjithëve dhe me entuziazëm – tha ai.