Kompania turke Baykar tha se mjeti i parë fluturues i telekomantuar, me motor avioni, ka përfunduar fazën e testimeve të para ndërsa kompania vazhdon të fitojë popullaritet në shkallë globale, duke ndihmuar forcat e ukrainës në luftë. Baykar publikoi një video në të cilën tregonte Kizilemën, ose ndryshe Mollën e Artë, një mjet fluturues pa pilot, që ngrihet në qiell dhe më pas rikthehet në një bazë ajrore që kompania tha se ndodhej në provincën verilindore Corlu, 85 km në perëndim të stambollit. Droni i prodhuar më herët nga Baykar, Bayraktar TB2, është bërë i famshëm në shkallë globale pas performancës të mirë në ukrainë, duke e vënë edhe kompaninë në qendër të vëmendjes e duke e shndërruar atë në një prodhuese dhe eksportuese të madhe. Kërkesa ndërkombëtare për dronët e kompanisë turke u rrit pas përdorimit të suksesshëm të tyre në Siri, Ukrainë dhe Libi, ku bombat e tyre të drejtuara me lazer folën zëshëm.