Bankat dhe aeroportet në Europës, SHBA dhe Australi po i rikthehen gradualisht normalitetit pas avarisë në sistemet e Microsoft që shkaktoi një kaos global në ofrimin e shërbimeve. Microsoft njoftoi të premten se problematika e shfaqur pas një përditësimi sigurie në sistemin e tij Office është zgjidhur, por se normaliteti në ofrimin e këtij shërbimi do të rikthehet gradualisht. Më i prekur është sektori i transportit ajrore. Edhe të shtunën në disa aeroporte vijuan problemet dhe mijëra fluturime u anuluan në Europën Perëndimore, Australi dhe SHBA. Ndërkohë, ekspertët e sigurisë kibernetike kanë ngritur alarmin se një goditje e dytë në këtë sistem mund të rikthehet, këtë herë nga hakerat që synojnë të kapitalizojnë kaosin e krijuar. Zyra australiane e sigurisë kibernetike lëshoiu alarmin se hakerat po shpërndajnë programe që pretendojnë se korrigjojnë avarinë e shkaktuar nga përditësimi i Microsoft. Në të vërtetë, këto programe synojnë të marrin kontrollin e kompjuterave dhe sistemeve për të vjedhur më pas të dhënat e përdoruesve dhe zotëruesve të tyre.