Partia e djathtë Ligj dhe Drejtësi duket se do të marrë numrin më të madh të vendeve në parlament, pas zgjedhjeve të përgjithshme në poloni,. Por ka pak gjasa që ajo të sigurojë një mandat të tretë në detyrë. Ligj dhe Drejtësi, pritet të marrë 36.6 për qind të votave, me opozitën centriste në kuotën e 31 për qind të votave. Nëse shifrat do të jenë të sakta, koalicioni civil i Donald Tusk, ka më shumë shanse që të krijojë një koalicion qeverisës. Ai po synon ti japë fund tetë viteve të Partisë Ligj dhe Drejtësi në pushtet, nën udhëheqjen e Jaroslav Kazinskit. Lideri i partisë pranoi se ai nuk e dinte nëse suksesi i partisë do të mund të përkthehej në një tjetër mandat në pushtet. Rezultatet paraprake i japin partisë në pushtet kryesimin por ato reflektojnë qytetet e vogla dhe zonat rurale që janë bastione të partisë së djathtë.