Rritja e frikshme e rasteve me covid 19 në Shqipëri ka bërë që mjekët të japin mesazhe të forta, ndërsa edhe vetë ministrja Manastirliu përmes një statusi në rrjetn social facebook ka bërë apel për më shumë kujdes. Sipas saj, shtete shumë më të zhvilluara se Shqipëria po vazhdojnë të përballen me këtë infeksion. Disa pa e ndërprerë asnjëherë luftën, të tjerë duke luftuar me rikthimin e tij. Duke iu referuar vendimit për hapjen e plotë të vendit, Manastirliu sqaron se Shqipëria ka ende transmetim komunitar të infeksionit në Tiranë, Shkodër dhe Durrës dhe njofton se ka jo vetëm rritje të numrit të të prekurve, por edhe shtim të numrit të numrit të pacientëve në Spitalin Infektiv. Normaliteti i ri nuk do të jetë kurrë si ai i para Covid-19, për sa kohë që asnjë vend i botës nuk ka mundur të gjejë ende, as kurën, as vaksinën.