Një konflikt me pasoja për jetën është parandaluar në Rrogozhinë. Sipas policisë, një 26-vjeçar ka kërcënuar për vrasje me kallashnikov një 35-vjeçar për motive të dobëta. I riu me banim në Peqin, u arrestua në fragrancë, ndaj të cilit rëndojnë veprat penale “Mbajtja pa leje dhe prodhimi i armëve, armëve shpërthyese dhe municionit” dhe “Kanosja”; Ngjarja ka ndodhur rreth orës 01:00 të mëngjesit të kësaj të diele, ku shërbimet e Policisë morën informacion se një shtetas po kërcënonte me armë zjarri për motive të dobëta, një 35-vjeçar. Gjatë kontrollit të ushtruar në banesë, ku ndodhej autori bashkë me një 21 vjeçar, u gjetën dhe u sekuestruan, në cilësinë e provës materiale, një armë zjarri tip kallashnikov dhe municion luftarak. 26-vjeçari kishte kanosur për vrasje shtetasin A. S., 35 vjeç, nga Tirana, i cili po shkonte te banesa e një 36-vjeçareje. Edhe 21-vjeçari u arrestua për moskallëzim krimi, ndërsa nisi procedimi penal në gjendje të lirë, për veprën penale “Moskallëzimi i krimit”, ndaj 36-vjeçares, banuese në Rrogozhinë, e cila nuk ndodhej në banesë kur ndodhi konflikti mes dy shtetasve. Arma e zjarrit dhe municionet e sekuestruara do t’i nënshtrohen ekzaminimeve të mëtejshme kriminalistike, ndërsa hetimet i kalojnë gjykatës së Durrësit.