Uragani Hilary është dobësuar ndërsa i drejtohet bregut të meksikës në paqësor dhe kalifornisë, por mund të shkaktojë përsëri përmbytje vdekjeprurëse – paralajmëruan meteorologët amerikanë. Me erëra që kapin shpejtësinë e 140 kilometrave në orë, ai është degraduar në një stuhi të kategorisë 1. Shira të rrëmbyeshëm ndërkohë janë derdhur mbi gadishullin meksikan të Baja Kalifornisë dhe në jug perëndim të shteteve të bashkuara gjatë natës. Një person humbi jetën pasi u rrëmbye nga ujërat ndërsa kalonte një rrjedhë në baja Kalifornia – tha një zyrtar. Ai po udhëtonte në një shtëpi bashkë me fëmijët e tij të moshës 7, 15 dhe 22 vjec dhe një grua. Të gjithë ata mbijetuan , raportoi media lokale. Hilary pritet të dobësohet akoma më shumë për tu kthyer në një stuhi tropikale para se të arrijë kaliforninë e jugut. Kjo do të ishte stuhia e parë tropikale që do të godiste shtetin amerikan në më shumë se 80 vite. Në buletinin më të fundit, qendra kombëtare amerikane e uraganeve tha se uragani ndodhej 145 km në jug të pikës më perëndimore të Baja Kalifornisë, Punta Eugenia. Qendra e uraganit do ti afrohet bregut perëndimor dhe qendror të gadishullit të baja kalifornisë të dielën dhe më pas do të zhvendoset nëpër kaliforninë e jugut.