Oxfam paralajmëron se deri në fund të vitit 12 mijë persona në ditë mund të humbasin jetën si pasojë e urisë të lidhur me pandeminë globale të koronavirusit e ndoshta viktimat do të jenë më të shumta në numër se ato të vetë sëmundjes. Oxfam thotë se një numër faktorësh do të shkaktojnë rritjen e urisë në botë, përfshirë këtu papunësinë masive, prodhuesit e ushqimeve që përballen me vështirësi transporti për shkak të izolimit dhe mbylljes së kufijve si edhe vështirësitë në shpërndarjen e ndihmave. Raporti i Oxfam, identifikon 10 hot spote të urisë që janë Jemeni, republika demokratike e kongos, afganistani, venezuela, saheli i afrikës perëndimore, etiopia, sudani i jugut, siria, sudani dhe haiti. Që përpara pandemisë gjendja në këto vende ka qenë ekstremisht e rënduar ndërkohë që koronavirusi ka gjunjëzuar tashmë edhe ekonomitë e mëdha të botës.