Presidenti i Ukrainës, Volodymyr Zelensky, deklaroi se në rast se lufta në Ukrainë “bllokohet”, Rusia mund të sulmojë vende të tjera në vitin 2028. Këtë deklaratë, siç shkruajnë mediat e huaja, Zelensky e ka bërë në një konferencë shtypi në Spanjë. “Për momentin Rusia po shqyrton skenarë të ndryshëm për vitet e ardhshme. Një prej tyre është veçanërisht i rrezikshëm. Nëse ka një pauzë në këtë agresion kundër Ukrainës, nëse kjo luftë do të ‘ngrihet’, atëherë do të ketë një moment të ri kritik në vitin 2028”, citohet të ketë thënë ai. Potencialin ushtarak nga i cili Ukraina e ka privuar rusinë, do të mund ta përdorë për të sulmuar vendet që janë në fokusin e ambicieve ekspansioniste të moskës. Përveç Ukrainës, në shënjestër janë padyshim vendet baltike dhe vende të tjera me pakica ruse në territoret e tyre”, tha ai duke sqaruar se ky është një informacion i qartë nga inteligjenca e kievit dhe se vetë ai po lëshon kështu një paralajmërim.