Korrupsioni në Shqipëri arrin në nivele të konsiderueshme duke u bërë një faktor kyç në klimën e mjedisit të biznesit si dhe rritjen e burokracive në vend. Raporti më i fundit i BERZH dhe Bankës Botërore ngre kambanën e alarmit lidhur me rryshfetet që marrin zyrtarët e shteteti në këmbim të të mirave që u ofrojnë qytetarëve. Referuar këtij raporti, 36 për qind e numrit total të kompanive shqiptare pohojnë se të paktën një herë kanë dhënë para nën dorë për të përfituar një shërbim publik. Jo pak por 3.1 për qind e xhiros së bizneseve shkon si ryshfet për zyrtarët e shtetit. Në listën e arsyeve pse krijohen skema korruptive në vend, kryesojnë marrja e lejeve të ndërtimit, lidhja e kontratave të ndryshme me shtetin apo edhe ryshfet me zyrtarët e tatimeve. Siaps raportit të BERZH dhe Bankës Botërore rreth 35 për qind e kompanive shqiptare kanë dhënë ryshfet në momentin kur punonjësit e tatimeve kanë mbërritur në biznes. Zhvillimi në këto nivele i korrupsionit në vend vendos në pikëpyetje meritokracinë si dhe ndikon ndjeshëm në ekonomië informale apo mjedisit të pabarabartë të biznesit në vend.