Paqja mund të sigurohet vetëm nëpërmjet forcës dhe asnjë centimetër territor nuk mund të sakrifikohet, tha të dielën Presidenti i Tajvanit Lai Ching-te, duke vizituar një ishull strategjik, që ndodhej në vijën e frontit të një beteje me forcat kineze pothuajse shtatë dekada më parë. Tajvani ka kontrolluar ishujt Kinmen dhe Matsu, të cilët shtrihen pranë bregdetit kinez, që kur qeveria e Republikës së Kinës u largua për tu vendosur në Taipei në vitin 1949, pasi humbi një luftë civile me komunistët e Mao Ce Dunit. Nuk është nënshkruar kurrë asnjë traktat paqeje apo armëpushim. Presidenti i tajvanit vendosi një kurorë me lule në një park përkujtimor nër 68-vjetorin e përplasjes së vitit 1958 me forcat kineze, që njihet si fillimi i krizës së dytë të Ngushticës së Tajvanit - hera e fundit që forcat tajvaneze dhe kineze luftuan mes tyre në një shkallë të gjerë.