Françesku trashëgoi një kishë thellësisht të ndarë pas dorëheqjes në 2013 të paraardhësit të tij, Benediktit XVI. Hendeku mes konservatorëve dhe progresivëve u bë një humnerë pasi Françesku, nga Argjentina, u zgjodh Papa i parë joevropian në 1300 vjet. Nën mbikëqyrjen e Papa Franceskut, një kushtetutë e rishikuar e Vatikanit lejoi çdo laik të pagëzuar katolik, përfshirë edhe gratë, të kryesonte shumicën e departamenteve në administratën qendrore të Kishës Katolike. Ai vendosi më shumë gra në rolet e larta të Vatikanit se çdo papë i mëparshëm. Papati i franceskut u shënjua edhe nga stërmundimi i tij për të rikthyer besueshmërinë te kisha katolike, pas shkërrmoqjes së saj nga skandalet e abuzimeve seksuale nga ana e priftërinjve, edhe pse një pjesë dërrmuese e krimeve kishte ndodhur para zgjedhjes së tij si papë. Kriza e covid 19, e detyroi atë të anulonte të gjitha udhëtimet në 2020 dhe të mbante mesha e shërbesa virtuale, duke e privuar atë nga kontakti me njerëz, cka ai e urrente. Francesku e solli dialogun e kishës katolike me islamin në lartësi të reja, në 2019 duke u bërë papa i parë që vizitoi gadishullin arabik e më pas edhe irakun, në 2021.