Papa Leo XIV priti të hënën në Vatikan Zëvendëspresidentin amerikan JD Vance dhe Sekretarin amerikan të Shtetit Marco Rubio, përpara një përpjekjeje të radhës të udhëhequr nga SHBA, për t'i dhënë fund konfliktit Rusi-Ukrainë. Vatikani publikoi foto të Vance dhe Rubios duke buzëqeshur ndërsa u takuan me Papën e lindur në Çikago, i cili u zgjodh si kreu i 1.4 miliardë katolikëve të botës më 8 maj. Të dy ata ishin mes 200,000 personaliteteve, anëtarëve të fëmiljeve mbretërore dhe besimtarëve që u mblodhën të dielën për të shënuar fillimin zyrtar të papatit të Leos në një meshë inaugurimi në Sheshin e Shën Pjetrit. Papa i ri e ka bërë paqen fjalën kyçe të papatit të tij deri më tani dhe pritej të fliste me Vance dhe Rubion rreth rolit të administratës amerikane në shtytjen për t'i dhënë fund konfliktit Rusi-Ukrainë në veçanti.