Papa Françesku bëri thirrje të dielën për një armëpushim gjatë Pashkëve në Ukrainë për t'i hapur rrugën paqes përmes "negocimit të vërtetë". "Le të fillojë armëpushimi i Pashkëve. Por jo për të siguruar më shumë armë dhe për të rifilluar pastaj betejën -- jo! -- një armëpushim që do të çojë në paqe, nëpërmjet negociatave të vërteta," tha ai në një meshë publike në sheshin e Shën Pjetrit. Papa denoncoi një luftë ku "civilët e pambrojtur" janë përballur me "masakra të tmerrshme dhe mizori ". “Çfarë fitoreje ka në vendosjen e një flamuri mbi një grumbull gërmadhash?”, pyeti ai.. Të mërkurën e kaluar, papa kishte dënuar shënjestrimin e civilëve në Ukrainë, duke e quajtur zbulimin e trupave në Buça pranë Kievit një "masakër" dhe duke përqafuar një flamur ukrainas nga "qyteti i martirëve".Ai gjithashtu ka shprehur gatishmërinë e tij për të kontribuar në ndalimin e luftimeve në Ukrainë dhe tha se do të ishte gati të udhëtonte në Kiev.