Ambasada e Ukrainës në Vatikan ka reaguar ndaj thirrjes së Papa Françeskut, sipas të cilit është urgjente një negociatë mes dy vendeve, ku ndër të tjera sugjeroi që Ukraina “të ngrejë një flamur të bardhë”. Në reagimin e ambasadës thuhet se që të arrihet paqja është njësoj si të bëhej negociatë me Hitlerin, duke nënkuptuar mes rreshtave se kjo gjë është e pamundur. “Është shumë e rëndësishme të silleni me konsistencë. Kur i referohemi Luftës së Tretë Botërore, që po jetojmë tani, duhet të na jepet një mësim: në atë kohë, a kishte dikush që fliste për negociata paqeje me Adolf Hitlerin dhe një flamur të bardhë për ta kënaqur atë? Mësimi është vetëm një: nëse duam që lufta të përfundojë, ne duhet të bëjmë gjithçka që mundemi për të vrarë Dragoin!”, shkruan Ambasada e Ukrainës në Vatikan. Në deklaratën e tij Papa tha se fjala negocim është guximtare dhe kur sheh që je mundur dhe që gjërat nuk po shkojnë mirë, duhet të kesh guximin të negociosh. Sipas tij më i forti është ai që e sheh situatën, mendon për popullin e tij dhe ka guximin të ngrejë flamurin e bardhë.