Vatikani njoftoi të shtunën se Papa Franccesku kaloi një gjendje kritike shëndetësore, pasi kishte vuajtur nga një krizë astmatike të gjatë, që kërkoi furnizim artificial me oksigjen. Papa, që është shtruar në spital prej një jave me një infeksion kompleks në mushkëri, iu nënshtrua një transfuzioni gjaku, njoftoi Vatikani, pasi testimet treguan edhe një gjendje anemie. ‘Ati I Shenjtë vijon të mbetet në një gjendje alarmi dhe e kaloi ditën në një karrige me rrota, megjithëse me më shumë dhimbje si dje. Për momentin, prognoza për shëndetin e tij është e rezervuar’, thuhet në deklaratën e lëshuar nga Vatikani. Doktorët thanë me herët se Papa Franccesku po kurohej për pneumoninë dhe një infeksion kompleks respirator, që sipas tyre, do të kërkojë edhe të paktën një javë kohë qëndrim në spital. Të premten, mjekët thanë se Papa nuk është jashtë rrezikut për jetën dhe sëmundjet kronike e bëjnë edhe më serioze gjendjen. Vatikani tha se Papa nuk do të udhëheqë lutjet tradicionale të fundjavës për një afat të pacaktuar, ndërsa mohoi zërat për dorëheqje, duke i cilësuar si thashetheme të padobishme.