Zonja e parë e Francës, Brigitte Macron është në izolim për shkak të kontaktit me një person që ka rezultuar I prekur nga Covid 19. Bashkëshortja 67 vjecare e shefit të Elizesë nuk ka simptoma, por ashtu sic e dikton protokolli, është karantinuar për një javë. Lajmin e kanë përcjellë burime pranë saj, sipas të cilavë për këtë arsye, Brigitte do të mungojë në ceremoninë e organizuar në nder të mësuesit që u masakrua në 15 tetor. Rastet ditore në Francë kanë kapërcyer 30 mijë, ndërsa totali I infektimeve është 910 mijë e vdekjet mbi 33.600. vende të ndryshme të Europës po përballen me një rritje frikësuese të shifrave. Autoritetet belge deklaruan se situata atje është më e rëndë se në muajin mars gjatë valës së parë të pandemisë së koronavirusit, pasi numri i rasteve ka prekur rekorde të reja, ndërsa ai I të shtruarve në spital është duke u dyfishuar çdo javë. Lombardia I kërkoi qeverisë italiane vendosjen e orës policore në 23.00 dhe mbylljen e qendrave tregtare në fundjavë. Ëalesi në Angli shkon në izolim për dy javë duke nisur nga e premtja, ndërsa Polonia ktheu një stadium futbolli në spital fushor. Sipas të dhënave të Universitetit Johns Hopkins, numri global i rasteve të konfirmuara me koronavirus kaloi shifrën shifrën 40 milionë, ndërsa viktimat janë mbi 1.1 milion. Pamjet: AFP