Jeta e natës në britaninë e madhe është në prag të zhdukjes. Ky është paralajmërimi që është lëshuar nga ky sektor, që thotë se 80 për qind e klubeve të natës nuk do të mund të mbijetojnë edhe një muaj tjetër për shkak të masave anti covid. Duke cituar një vëzhgim të më shumë se 100 klubeve të natës, shoqata e industrisë së klubeve të natës tha se 81 ambjente përballen me falimentimin duke filluar nga muaji i ardhshëm nëse nuk do të ketë mbështetje nga qeveria. 85 për qind e kompanive në sektor, kanë bërë reduktime të shumta për shkak të mbylljes gjatë pandemisë. Rreth dy të tretat e tyre kanë lënë në shtëpi stafin. Shoqatat që përfaqësojnë baret, klubet dhe ambjentet e koncerteve, shohin një të ardhme të zymtë përpara duke shpjeguar se shumë prej tyre kanë qëndruar të mbyllur tërësisht që nga fillimi i izolimit të parë në britani. Bashkë me sallat e konferencave dhe ato të eventeve, jeta e natës është një nga të paktat fusha që nuk kanë rihapur dyert në britani që nga marsi i vitit të shkuar.