Spitalet në të gjithë evropën po përgatiten për një valë të dytë pacientësh me covid 19. Edhe një herë, punonjësit e kujdesit shëndetësor, do të jenë në vijën e parë të frontit. Sipas një raporti të ri, më shumë se 1 mijë infermierë kanë humbur jetën deri më tani si pasojë e koronavirusit ndërkohë që infermierët zënë rreth 10 për qind të numrit të infektimeve. Sidoqoftë, më pak se gjysma e vendeve të botës e klasifikojnë COVID 19 si një sëmundje që vjen nga puna. kjo cënon mbledhjen e të dhënave dhe vendosjen e standarteve të sigurisë si edhe asistencën financiare që punonjëist e shëndetësisë dhe familjet e tyre mund të pretendojnë. Këshilli ndërkombëtar i infermierëve, që ka publikuar të dhënat, i kërkon qeverive të bëjnë më shumë për ti mbrojtur ata dhe të përqafojnë konventën e sigurisë së punonjësve të shëndetësisë të lancuar nga organizata botërore e shëndetësisë. “Duartrokitjet kanë ndaluar por infermierët janë ende në epiqendër të kësaj pandemie”, thotë organizata. Më shumë testime, më shumë trajnim dhe mbështetje për shëndetin mendor, nevojitet, për të ndihmuar punonjësit e shëndetësisë në këtë kohë krize.