Policia e Lezhës ka goditur një grup të dyshuar për shitje të lëndëve narkotike dhe organizim të kundërligjshëm të lojërave të fatit në Laç. Si rezultat janë arrestuar 7 persona, ndërsa janë sekuestruar lëndë narkotike Cannabis Sativa, 6 automjete, telefona celularë dhe 7 pajisje elektronike të përdorura për lojëra fati. Sipas hetimeve, të arrestuarit siguronin lëndë narkotike, e ndanin në doza dhe e shpërndanin në zona të ndryshme të qytetit të Laçit, në disa raste edhe pranë shkollave. Gjatë kontrolleve, policia zbuloi edhe një lokal ku organizoheshin lojëra fati me kompjuterë, në kundërshtim me ligjin. Për këtë rast u arrestua pronari i lokalit, babai i dy prej të arrestuarve, pasi subjekti dhe punonjësit nuk ishin të regjistruar në organet përkatëse. Materialet i kaluan Prokurorisë së Lezhës për veprime të mëtejshme.