Dy ditë pas ngjarjes së rëndë, të ndodhur në zonën e Porcelanit në kryeqytet, ku mbeti i plagosur efektivi i repartit të policisë, Shqiponja, Edlir Alleshi, kanë dalë edhe poamjet e kamerave të sigurisë, që hedhin më shumë dritë mbi ngjarjen. Në videon që disponon Top News, duket qartë momenti kur efektivi Alleshi qëllohet nga 41-vjeçari Klered Bozhanaj dhe më pas tërhiqet në ambientet e një kafeneje bashkë me kolegun e tij, për të shmangur shkëmbimin e zjarrit me atentatorin. Më pas Bozhanaj del nga një rrugicë, i qetë, me pistoletë në dorë dhe largohet nga vendi i ngjarjes. Efektivi Alleshi u dërgua menjëherë në spitalin e traumës, kur pas një operacioni, ndodhet në gjendje të mirë dhe jashtë rrezikut për jetën. Nga ana tjetër, Bozhanaj, për tëcilin familjarët ngritën pretendime se kishte probleme mendore, u arrestua mbrëmjen e të enjtes në shtëpinë e tij në zonën e Kinostudios. Pas dëshmisë së parë, prokuroria urdhëroi akt-ekspertizën e shëndetit mendor të tij.