Pesë punëtorë u shpëtuan nga rrënojat e një ndërtese në Paola te Maltes të shtunën në mëngjes, ndërsa punonjësit e shpëtimit po kërkojnë një person të 6-të që mbeti I bllokuar. Dhjetra shpëtimtarë janë përfshirë në një operacion delikat, duke përdorur mjete të lehta për të gjetur vendndodhjen e punëtorit maltez 20-vjeçar. Një operacion shpëtimi filloi shpejt dhe brenda disa orësh pesë punëtorë u gjetën dhe u transportuan në spital. Tre prej tyre janë plagosur rëndë dhe po trajtohen në Njësinë e Mjekimit Intensiv të spitalit. Nga të plagosurit, 3 punëtorë janë shqiptarë, një boshnjak dhe një maltez. Ekipet e shpëtimit kanë frikë se përdorimi i makinerive të rënda mund të shkaktojë një tjetër shembje. Burrat po punonin në kantierin e ndërtimit, i cili është afër stacionit të zjarrfikësve, kur ndërtesa u shemb pjesërisht rreth orës 10 të mëngjesit.