Partia Demokratike ka reaguar lidhur me problematikat e gjetura në terren për projektin “Durrës Marina”, ku IKMT doli në përfundimin se që të dyja godinat kanë pësuar zhvendosje. Në një deklaratë për mediat, deputeti Igli Cara i konsideroi këto gjetje si shqetësuese dhe shtoi se projekti rrezikon ta lërë Shqipërinë pa një port funksional, duke cenuar një nga avantazhet ekonomike dhe strategjike të vendit në rajon. Po ashtu, Partia Demokratike kërkoi pezullimin e menjëhershëm të punimeve deri në realizimin e një ekspertize të pavarur tekniko-inxhinierike, ndërsa i bëri thirrje dhe SPAK-ut të ndërhyjnë për hetimin e çështjes.