Pyetje urgjente po ngrihen në lidhje me një mori grupesh të armatosura që janë shfaqur për të luftuar Hamasin në Gaza gjatë muajve të fundit. Ato përfshijnë grupe me bazë klanet familjare, bandat kriminale dhe milicinë e re - disa prej të cilave mbështeten nga Izraeli, siç pranoi së fundmi kryeministri Netanjahu. Elementë brenda Autoritetit Palestinez - i cili qeveris pjesë të Bregut Perëndimor të pushtuar dhe është një rival politik i Hamasit - besohet gjithashtu se po dërgojnë mbështetje fshehurazi. Por këto milici - secila që vepron në zonën e vet lokale brenda 53% të territorit të Gazës që aktualisht kontrollohet nga forcat izraelite - nuk janë përfshirë zyrtarisht në planin e paqes të Presidentit të SHBA-së Donald Trump, i cili kërkon një Forcë Ndërkombëtare Stabilizimi dhe një forcë policore palestineze të trajnuar rishtazi për të siguruar Gazën në fazën tjetër të marrëveshjes. Një nga milicitë më të mëdha drejtohet është “Forcat Popullore Antiterroriste”, që vepron në qytetin jugor të Rafahut. Në postimet e përfaqësuesve të kësaj milicie në rrjetet sociale thuhet shpesh se po punojnë me Bordin e Paqes për të koordinuar drejtimin e Gazës pas luftës.