I shpallur në kërkim që prëj 2019, Arbër Balliu vetëm tani ka mundur të bjerë në prangat e policisë. Efektivët e Komisariatit nr.2 kanë finalizuar operacionin “Kontakt”, por në momentin që kanë kapur 32 vjecarin, kanë ndaluar edhe kolegun e tyre Demiraldo Heta, i cili u kap në banesë me të kërkuarin. Uniformat blu zbarkuan në rrugën “Ndre Mjeda” pas disa informacioneve të marrë për Balliun. Mësohet se ky I fundit ka tentuar të vrasë me armë një shtetas, Enea Keqa. Në momentin që kanë mësyrë banesën e 32 vjecarit, efektivët panë se ai nuk ishte vetëm, por bashkë me oficerin e Policisë së Dibrës. Në apartament u gjetën 2.3 kilogramë kanabis dhe 250.000 lekë të rinj, që dyshohet se janë përftuar nga shitja e lëndës narkotike. Ndërkohë 56 vjecari Igli Pojana, edhe ai I arrestuar, u kap në flagrancë në momentin që po paketonte lëndën narkotike. Efektivi Heta është vendosur nën hetim me akuzën e “përkrahjes së autorit të krimit”.