Përmes një postimi në twitter ambasadori i Bashkimit Evropian në Shqipëri, Luigi Soreca ka reaguar lidhur me ligjin e anti-shpifjes. Soreca thekson se çdo ndryshim i projektligjit anti-shpifje duhet të bëhet në përputhje me rekomandimet e bëra nga Komisioni i Venecias. Sipas ambasadorit te BE përveçse rekomandimeve të bëra nga Venecia, autoritetet shqiptare duhet të konsultohen me organizatat mediatike kombëtare dhe ndërkombëtare. “Çdo ndryshim i projektligjit anti-shpifje duhet të jetë në përputhje me rekomandimet e bëra nga Komisioni i Venecias. Autoritetet shqiptare janë zotuar që do të vazhdojnë të punojnë më këtë ligj duke i adresuar të gjitha çështjet e rekomanduara nga Venecia. Ne i kemi ndjekur me vëmendje deklaratat e bëra nga mazhoranca ditën e djeshme ku theksuan se do t’i ndjekin rekomandimet dhe se do të zhvillojnë konsultimet me të gjitha palët. Ne i inkurajojmë autoritetet shqiptare që të zhvillojnë konsultimet e duhura me çdo organizatë mediatike dhe me përfaqësuesit e shoqërisë civile duke marrë parasysh edhe rekomandimet e bëra nga organizatat mediatike kombëtare dhe ndërkombëtare”, thuhet ne postimin e ambasadorit Soreca. Ai shton me tej se do te ndiqen ne vazhdim të gjitha zhvillimet e rendësishme për këtë ligj, në mënyrë që paketa ligjore të jetë në përputhje të plotë me të gjitha standardet ndërkombëtare dhe evropiane. Ditët e fundit ka pasur reagime nga shoqatat e gazetareve që kanë kundështuar nisjen e shqyrtimit të paketës antishpifje në komsionet parlamentare, draft që ishte kundershtuar më herët prej tyre. Edhe kreu i shtetit Ilir Meta përmes një reagimi gjatw fundjjavws ka kërkuar që të hiqet dorë nga miratimi paketës antishpifje në mungesë të transparëencës dhe pa përfshirë në të opinionin e komisionit të Venecias. sipas metës ligji qe po shqyrtiohet ne fshehtesi ka si qëllim të godasë, intimidojë dhe të mbyllë gojën e mediave kritike.