Dhomat e Specializuara kanë njoftuar se Trupi Gjykues ka planifikuar shqiptimin e aktgjykimit në çështjen e Hashim Thaçit, Kadri Veselit, Rexhep Selimit dhe Jakup Krasniqit për 16 shtator 2026, ora 10:00. Seanca publike gjithashtu do të transmetohet me 10 minuta vonesë në gjuhët shqipe, anglisht dhe serbisht, thuhet në njoftim. Sa i takon pjesëmarrjes në hapësirat e Dhomave të Specializuara të Kosovës, Haga do të lejojë vetëm personat të cilëve u ka autorizuar hyrjen përmes mesazheve të dërguara në postën elektronike. Transmetimi video do të jetë i qasshëm për publikun përmes faqes zyrtare të Dhomave të Specializuara të Kosovës, por me 10 minuta vonesë. Ndërkohë, të mërkurën është thirrur një tubim në Prishtinë në mbështetje të udhëheqësve të UÇK, teksa ambasada amerikane në Prishtinë ka këshilluar qytetarët e saj që të shmangin zonat pranë tubimeve.