Presidenti serb Aleksander Vucic është shprehur se Serbia do të shpenzojë 740 milionë euro përgjatë vitit 2024, për të blerë pajisje ushtarakle dhe armatim. Këtë deklaratë, Vucic e bëri gjatë një konferencë për shtyp në Agjencinë për Siguri Ushtarake, ku ndër të tjera shtoi se Serbia aktualisht ka 186 milionë euro në dispozicion, të cilat do t'i shpenzoj për blerjen e mjeteve dhe armëve nga fabrikat vendase të industrisë së dedikuar. Ky koment i liderit serb, vjen vetëm 2 ditë pasi SHBA pranoi njkë kërkesë nga Kosova për blerjen e raketave antitanke Javelin, e cila do të shqyrtohet nga Kongresi amerikan. Nga ana tjetër, Vucic sshtoi se po gjatë 2024, do të jenë gati edhe dy pako me nga 150 dhe 400 milionë euro për pajisje shtesë dhe armatim të Forcave të Armatosura të Serbisë. Sa i përket vendimit të SHBa për ti shitur Kosovës 246 raketa antitank të prodhimit amerikan, si dhe pajisje përcjellëse, Vucic e komentoi duke thënë se kjo lëvizje është në kundërshtim me Rezolutën 1244, e cila, sipas tij, nuk parasheh që Kosova të ketë ushtri. Forca e Sigurisë së Kosovës aktualisht, ka rreth 2.500 pjesëtarë. Pas periudhës së tranzicionit, ky numër pritet të rritet në mbi 7.500 dhe të përfshijë pjesëtarë aktivë dhe rezervistë. Pamjet: AFP