Katër persona kanë rënë në prangat e policisë së Durrësit pasi akuzohen për ushtrim prostitucioni. Në kuadër të operacionit të koduar “Lulja” u arrestuan shtetasit Banush Kanani, Xhuljano Kollçaku dhe Endri Zeqiri, si edhe vajza që ushtronte prostitucion me inicialet L.T, 22 vjecce. Në kërkim u shpallën gjithashtu 2 të tjerë. Ata akuzohen për veprat penale “Ushtrimi i prostitucionit” dhe “Shfrytëzimi i prostitucionit”, kryer në bashkëpunim. Të rinjtë në bashkëpunim me njëri-tjetrin, shfrytëzonin për prostitucion shtetasen 22 vjeçare duke i siguruar asaj klientë të ndryshëm dhe hotele në qytetet e Durrësit, Kavajës, Lushnjes dhe Fierit, kundrejt pagesave që varionin nga 80-150 euro. Gjithashtu, këta shtetas siguronin automjetet me të cilat transportonin këtë shtetase dhe merrnin personat që kishte kontaktuar ajo, me qëllim ushtrimin e prostitucionit në ambiente të ndryshme në qytetet e sipërpërmendura. Në cilësinë e provës materialë janë sekuestruar 300 000 lekë, 200 euro, 5 celularë, një automjet dhe një sasi lënde e dyshuar narkotike kokainë.