Top News – Ozil var këpucët në moshën 34-vjeçare/ Mesfushori zyrtarizon tërheqjen, shkak dëmtimet

Ajo që ishte paralajmëruar prej javësh tashmë është zyrtarizuar. Mesut Ozil ka komunikuar përmes Instagramit tërheqjen nga futbollit në moshën 34-vjeçare. Ai thotë se me dëmtimet e shpeshta dhe qëndrimin më shumë jashtë fushave në muajt e fundit për shkak të tyre, sot e ka më shumë se kurrë të qartë për t’u tërhequr. Ndeshja e fundit që luajti mesfushori gjerman me origjinë turke ishte më 2 shkurt, kur u aktivizua si zëvendësues në ndeshjen që Bashaksehir humbi 1-0 ndaj Kajzerispor në Superligën turke. ‘Kisha privilegjin që të isha futbollit profesionist për 17 vite dhe ndjehem jashtë mase falenderues për mundësinë që m’u dha’, shkruan Ozil.