Qytetarët e Kosovës do tu drejtohen kutive të votimit për të zgjedhur përfaqësuesit e tyre për deputetë të Kuvendit, më 9 shkurt 2025. Lajmi është dhënë nga Presidentja e Kosovës, Vjosa Osmani, nëpërmjet një postimi në rrjetet sociale, ku krahas publikimit të dekretit të saj, shkruan ‘Urime’. Vendimi i Presidentes së Kosovës Vjosa Osmani për të dekretuar 9 shkurtin si datën e zgjedhjeve të reja paralamentare, u mor pas konsultimit me mazhorancës qeverisëse të Albin Kurtit dhe partive opozitare. Albin Kurti propozoi si datë për zgjedhjet e përgjithshme, 2 shkurtin, ndera opozita kërkonte që zgjedhjet të mbaheshin me 26 janar. Por pavarësisht dy kërkesave, Osmani ka zgjedhur 9 shkurtin për mbajtjen e tyre. Kujtojmë se më herët opozita kërkoi zgjedhjet të parakohshme, çka u pranua nga mazhoranca. Por pavarësisht kësaj, opozita nuk arriti të gjente gjuhën e përbashkët sesi do të shkohej drejt tyre, pasi kërkonte dorëheqjen e Albin Kurtit. Ky i fundit nuk e pranoi një gjë të tillë, çka solli që zgjedhjet të mbahen pasi të përmbushej mandati i plotë qeverisës. Pas këtij vendimi, është Komisioni Qendror i Zgjedhjeve të Kosovës përgjegjës për organizimin e tyre në këtë datë.