Kryeministri i Hungarisë, Viktor Orban, priti presidentin e Republikës Sërpska të Bosnje Hercegovinës, Millorad Dodik, në një takim në Budapest. Ata biseduan për “integrimin e Ballkanit Perëndimor në Bashkimin Evropian dhe se si Hungaria, si kryesuese e Këshillit të BE-së, mund ta përmirësojë këtë proces”, tha zëdhënësi i zyrës së kryeministrit hungarez, Bertalan Havasi. Ndërkohë, Orban shkroi në rrjetin social X se takimi i tij me Dodik ishte “në shërbim të thellimit të stabilitetit të Bashkimit Evropian”. "Stabiliteti i Ballkanit Perëndimor është thelbësor për BE-në. Në vend të leksioneve dhe sanksioneve, ne besojmë në dialog dhe bashkëpunim. Takimi im sot me presidentin Millorad Dodik i shërbeu këtij qëllimi", shkroi Orban. Ky i fundit është një nga aleatët kryesorë të presidentit prorus të entitetit serb të Bosnjës dhe një nga liderët e paktë të BE-së që janë të gatshëm të takohen me të. Ata u takuan të paktën tre herë në vitin 2023.