Agjencia për Parandalimin e Korrupsionit ka konstatuar se ish-presidenti i Malit të Zi, Millo Gjukanoviq, nuk ka deklaruar një pjesë të pasurisë së tij të luajtshme, koleksionin e orëve të dorës që zotëron, me vlerë rreth 200.000 eurosh. Sipas raportit, Agjencia ka analizuar fotografi të publikuara nga disa media malazeze, të bëra gjatë paraqitjeve të ndryshme publike të Gjukanoviç ndër vite, teksa ai ushtronte funksionin e presidentit ose kryeministrit të Malit të Zi. Në fotografi vëreheshin ora dore nga shtatë marka, secila nga to, sipas ekspertëve të provave digjitale, vlerësohet se kushtojë mes 8.000 dhe 59.000 euro. Sipas agjencisë, orat e përdorura nga Gjukanoviç, janë autentike dhe se ato nuk janë deklaruar në asnjërin nga raportet e cekura mbi të ardhurat dhe pasurinë si pronë sa i përket pasurisë së luajtshme.