Pak orë para nisjes së protestës së paralajmëruar nga opozita, policia ka hartuar një plan masash me qëllim garantimin e rendit dhe sigurisë, para, gjatë dhe pas përfundimit të tubimit që do të zhvillohet përpara Kryeministrisë. Ndërkohë duke filluar nga, në orën 18:00, deri në përfundim të tubimit, nuk do të lejohet qarkullimi i automjeteve në bulevardin “Dëshmorët e Kombit”, sheshin “Nënë Tereza”, rrugën “Ismail Qemali”, kryqëzimi n e Rrugës së Elbasanit me rrugën “Ibrahim Rugova”, rrugën “Papa Gjon Pali II”, bulevardin “Zhan D’Ark” dhe bulevardin “Bajram Curri”, nga kryqëzimi i Rrugës së Elbasanit me rrugën “Ibrahim Rugova”. Sakaq rekomandohen qytetarët që të shmangin lëvizjen me automjete në këto akse rrugore dhe të përdorin rrugë alternative, për të mos penguar lëvizjen e lirë të pjesëmarrësve në tubim. Drejtoria Vendore e Policisë Tiranë u bën thirrje për të gjithë pjesëmarrësit në tubim, që të distancohen nga aktet që cenojnë sigurinë dhe jetën e tyre, apo aktet e dhunës ndaj punonjësve të Policisë, përfaqësuesve të mediave apo edhe vetë pjesëmarrësve.