Sekuestrimi i inceneratorit të Tiranës u përshëndet nga opozita, që inkurajon SPAK në hetimin e kësaj dosjeje. Ilir Meta e duartrokiti, edhe pse e konsideroi të vonuar. Meta: “Pa asnjë diskutim, siç kanë treguar faktet që janë paraqitura nga ana jonë, kjo është kryevepra kriminale që ka ndodhur në vendin tonë dhe që është toleruar në një kohë të gjatë. Këtë lajm të fundit e vlerësojmë të vonuar. Dua të nënvizoj se të tre çështjet, Tirane, Elbasan dhe Fier janë një çështje dhe kemi të bëjmë me një aferë të ideuar dhe implementuar nga një grup i strukturuar kriminal.” Kryemadhi kërkoi nga SPAK të ndjekë paratë e vjedhura dhe çdo qindarkë t'u kthehet qytetarëve shqiptarë, teksa i menjëhershëm ishte edhe reagimi i kryetarit të Partisë Demokratike Lulzim Basha, i cili në rrjetet sociale shkruan: “Sekuestrimi i inceneratorit fantazëm të Tiranës është një hap i duhur për zbardhjen e këtij megaskandali korruptiv. Shpreh mbështetjen e plotë dhe inkurajoj institucionet e drejtësisë të veprojnë pa asnjë hezitim kundër korrupsionit në nivelet e larta, kësaj gangrene që shkatërron vendet e punës dhe mirëqenien e shqiptarëve.