Opozita e ndarë në qëndrimet politike, sidomos ndaj SPAK, përbashkohet në programin e saj kur vjen fjala tek shpopullimi, duke akuzuar njëzëri kryeministrin Edi Rama dhe qeverinë socialiste. Rithemelimi i Berishës, për të luftuar shpopullimin, parashikon një politikë ekonomike që do të nxisë të rinjtë drejt sipërmarrjeve, si ata që janë në vendin tonë, ashtu edhe të rinjtë e larguar. Berisha propozon dhënien e granteve për sipërmarrjet e reja, dhe një taksë të sheshtë 10%. Përballë Berishës, është Lulzim Basha, i cili poashtu ka në fokus luftën ndaj shpopullimit, e krahas granteve shikon si zgjidhje poashtu taksën e sheshtë, por prej 9%, apo 1% më të ulët se Berisha. Nga ana tjetër ulje taksash propozon edhe Meta me programin e Partisë së Lirisë. Por Rithemelimi ndryshe nga Basha, premton taksë 0% për profesionet e lira, teksa PD zyrtare, 9 %.