Anëtarët e Shoqatës Shqiptare të Turoperatorëve dhe Agjencive Turistike në përmbyllje të sezonit turistik i kanë derguar disa propozime qeverisë me qëllim mbështetjen e tyre për të përballuar pasojat e krizës. Në letren e tyre derguar kryeministrit dhe disa ministrave të linjës ATOA veren se treguesit negativë si dhe skenarët pesimistë për një kapërcim të shpejtë të situatës, kanë dëmtuar rëndë sipërmarrjen në fushën e turizmit. “Në këto kushte, bizneset turoperatorë, agjencitë turistike, guidat dhe transporti turistik, janë kategoritë më të goditura nga kriza, sepse punojnë vetëm me sjelljen e turisteve të huaj në vend, gjë që mungoi pothuajse totalisht këtë vit,prandaj dhe kërkojnë vëmendjen eqeverisë” thuhet ne jletren e tyre. Nisur nga kjo situatë që rrezikon të gjithë ekonominë shqiptare, ATOA kërkon reagimin e shpejtë të qeverisë për marrjen e masave. “Kërkojmë mbështetjetë veçantë për bizneset turoperatorë dhe agjencitë turistike, guidat, transportin turistik qe janë edhe grupimi më i prekur dhe pothuajse pa biznes gjithë vitin. Referuar vendimit të qeverisë për paketën e ripunësimit e cila u prezantua së fundmi, kërkojmë që: skema e qeverisë të shtrihet skema deri në 30 Shtator 2020 për punonjësit e larguar pasi efektet e pandemisë vazhdojnë të ndihen deri më sot. Atoa kerkon përfshirjen në skemën mbështetëse financiare për punonjësit e mbajtur në punë nga tur operatoret turistike, agjencitë turistike, guidat dhe transporti turistik, sic është vepruar në vende te tjera. Po ashtu qeverisë i kërkohet mbeshtetje me grante për keto kategori siç ështe vepruar në vende te tjera pasi është pjesa më e demtuar e sektorit turistik.