Operacioni kombëtar ‘Tempulli 2’, i cili ka nisur që në dhjetor të vitit të kaluar, në të gjithë vendin ka bërë të mundur arrestimin e 273 personave në disa qytete. Ndërkohë që në Elbasan ka shkuar në 23 numri i të ndaluarve në 12 orët e fundit. Bëhet me dije se mes të arrestuarve është dhe këshilltari bashkiak nga rradhët e Partisë së Lirisë Franko Hakilja. Në total ‘Tempulli 2’ ka goditur anëtarët e 7 grupeve kriminale që merren me shpërndarjen e drogave afër shkollave dhe jo vetëm. Këtë deklaratë e bëri më parë drejtori i përgjithshëm i policisë së shtetit Rrumbullaku. Ky i fundit deklaroi se janë marrë gjithsej 295 urdhra ndalimi dhe vendime arresti, si dhe 306 vendime kontrolli, ndërsa 26 persona janë shpallur ne kërkim. Ky operacion është relizuar nga Forca Kombëtare e Sigurisë, Forcat Operacionale, të udhëhequr nga agjentët e Antidrogës të cilët kanë kryer kontrolle në shumë vende.