Policia e Tiranës bëri të mundur sekuestrimin e një sasie prej 1 kilogramë heroinë e pastër, e cila u shitej shpërndarësve në kryeqytet. Gjatë operacionit të koduar “Porosia”, agjentët e antidrogës të komisariatit numër 3, sekuestrohen 1 kg e 75 gr heroine, ndërsa u vu në pranga një 31-vjeçar. Në bazë të informacioneve të siguruara në rrugë operative nga burime të ndryshme, policia finalizoi me sukses operacionin policor të koduar “Porosia ”, në kuadër të të cilit u bë kapja dhe arrestimi në flagrancë i shtetasit E. Z., 31 vjeç, banues në Tiranë. Sipas të dhënave të policisë në një banesë në rrugën “Asdreni”, kishte një sasi të konsiderueshme lënde narkotike të llojit heroinë dhe personat që e dispononin ua shisnin shpërndarësve sipas porosive që bënin. Vazhdon puna intensive për zbardhjen e plotë të veprimtarisë kriminale, identifikimin dhe kapjen e personave të tjerë të përfshirë në këtë aktivitet kriminal.