22 operacione policore, më tepër se 14 mijë gjoba dhe 126 persona të arrestuar, është bilanci I punës së kryer nga policia përgjatë 7 ditëve në Shqipëri. Java që u përmbyll regjistroi një shtrirje të kontrolleve policore në mbarë vendin. Ndër më kryesoret mbetet lufta kundër krimit, kapja e personave të shpallur në kërkim, armëmbajtje pa leje, kultivim kanabisi apo dhe trafik emigrantësh. 437 persona janë arrestuar, proceduar dhe shpallur në kërkim në po të njëjtën periudhë kohore. Kontrollet kryesore kanë qenë ato për personat e shpallur në kërkim për ngjarjet e rënda kriminale si vrasja apo plagosja, si dhe evidentimi I rasteve të kultivimit të kanabisit. Gjatë javës u arrestuan 5 persona të shpallur në kërkim ndërkombëtar, si dhe u bë e mundur zbardhja e plotë e vrasjes së dy personave në fshatin Lalm në Lezhë. 6 armë zjarri janë sekuestruar si dhe u është bërë ekspertiza, për të zbuluar nëse ato janë përdorur në ngjarje kriminale, I ajo e krimit ndaj personit.