Gazmend Braka, i njohur si Gaxhai, ka dalë nga ambientet e burgut ku edhe po vuante dënimin me burg përjetë. Mësohet se i forti i Vlorës, po i nënshtrohet një operacioni në zemër. Por ende nuk dihen detaje lidhur me gjendjen e tij shëndetësore, apo me problemin që ai ka pasur, që e ka detyruar edhe të operohet. Pas kësaj ai do t’i nënshtrohet një tjetër operacioni. Prej gati më shumë se 20 vite, një prej personazheve të njohur të botës së krimit ai qëndronte i mbyllur në qeli. Gazmend Brakaj, ka dy dënime me burg të përjetshëm dhe aktualisht ndodhet në burgun e Peqinit. Ai është dënuar për vrasjen e Ilir Pajës dhe Arben Xhungës, dy shokëve të Lulzim Berishës në Durrës dhe për ekzekutimin e gjashtë personave të tjerë. Bëhet fjalë për efektivin Viron Rrapaj dhe personat e tjerë të identifikuar si: Sadik Kurti, Bashkim Dule, Avdul Bajrami, Dhimitraq Mishka Zini Haruni dhe Robert Myftari, bën me dije dosja.al.