Oligarkët rusë po vrasin njëri tjetrin në një betejë të përgjakshme për pushtet në atë që mund të konsiderohet si foleja e gjarpërinjve të Vladimir Putinit. Bill Broëder, njohës i rusisë, thotë se oligarkët po përpiqen të mbrojnë pasuritë e tyre pasi janë goditur rëndë nga sanksionet e perëndimit. Dikur bankier i njohur në rusi, ai thotë për Daily Mail se vala e fundit e atyre që publikohen si “vetëvrasje’ mes elitës ruse, janë në fakt të gjitha vrasje. “Ajo që po ndodh në të vërtetë është se në folenë e gjarpërinjve ka plasur lufta për asete, para kesh dhe pushtet ndërkohë që torta ekonomike po reduktohet në Rusi. Këta njerëz nuk janë oligarkë të vërtetë, por janë persona që kanë një pozicion që i jep një lloj autoriteti mbi rrjedha të rëndësishme parash, vecanërisht në biznesin e naftës dhe gazit, sic janë kompanitë Gazprom, Lukoil, Novatek apo gazprom bank – thotë ai.