OKB-ja ka përjashtur nëntë punonjës të Agjencisë së Kombeve të Bashkuara për Refugjatë Palestinezë, pasi mund të jenë përfshirë në sulmin e Hamasit të kryer më 7 tetor ndaj Izraelit. "Ne kemi informacion të mjaftueshëm për të ndërmarrë veprimet që po ndërmarrim, që do të thotë, përjashtimin e këtyre nëntë punonjësve”, tha zëdhënësi i OKB-së Farhan Haq. Sakaq zëdhënësi nuk e ka specifikuar rolin që kanë pas nëntë punonjësit e përfshirë. “Për ne, secila pjesëmarrje në sulm është tradhti e madhe ndaj punës që duhet të bëjmë në emër të popullit palestinez”, ka thënë ai ndë të tjera. Më parë Izraeli, ka pretenduar që më shumë se 450 anëtarë të kësaj agjencie janë anëtarë të grupeve terroriste, alibi kjo që është hedhur poshtë nga OKB, pasi nuk janë gjetur prova dhe dëshmi që vërtetojnë një gjë të tillë.