Gjatë një deklarate në Gjenevë, Kombet e bashkuara i bënë thirrje Emirateve të bashkuara Arabe, që të sigurojnë “prova konkrete” se princesha Latifa Al Maktoum, vajza e sundimtarit të Dubait, është gjallë. Ekspertët epër të drejtat e njeriut thanë gjithashtu se ajo duhet të lirohet “urgjentisht”. Ata kërkuan “verifikim të pavarur të kushteve nën të cilat mbahet dhe lirimin e saj të menjëhershëm”. “Deklarata e lëshuar nga autoritetet e Emirateve se ajo është nën kujdes në shtëpi, nuk është e mjaftueshme në këtë fazë”, thanë ekspertët e OKB-së. Princesha Latifa ka bërë përpjekje të ikë nga Dubai në vitin 2018. Ndërsa Në një video të ndarë me BBC-në, ajo ka thënë se komandot e kanë droguar dhe e kanë futur në paraburgim në një “vilë të shndërruar në burg”, pa pasur asnjë qasje në ndihmë mjekësore. Ndërsa familja mbretërore e Dubait është shprehur më herët se princesha Latifa po mbahet ‘nën kujdes mjekësor’. Po ashtu Më 5 mars, Kombet e Bashkuara kanë thënë janë në pritje të detajeve nga Emiratet e Bashkuara Arabe - dy javë pas kërkesës për prova të jetës. Babai i Latifës, sheiku Mohammed bin Rashid Al Maktoum, është një nga liderët më të pasur në botë, sundimtar i Dubait dhe nënkryetar i Emirateve të Bashkuara Arabe. Pamjet: AFP