Operacioni Forca e Ligjit vazhdon punën edhe në këtë muaj pushimesh për shumë nga institucionet shtetërore. OFL i ka dërguar formularët për justifikimin e pasurisë 4 personave në Fier, që janë dënuar për trafik droge. Mësohet se në “shënjestrën” e OFL-së janë Gentian Jakupi, Edmond Golloshi, Vladimir Golloshi dhe Enver Brahushaj. Të kartë këta janë dënuar për trakimim të lëndëve narkotike, njëri prej tyre Vladimir Golloshi është dënuar në Greqi, ndërsa tre të tjerët nga drejtësia shqiptare. Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme. OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special