Operacioni Forca e Ligjit zbarkon në Tiranë dhe Kukës duke u dërguar formularin për vetëdeklarimin e burimeve të pasurisë tre të dënuarve më parë për “Trafikim narkotikësh” dhe “Vjedhja me armë”. Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat për vetëdeklarimin e burimeve të pasurisë Artur Gurit, Elton Muçës dhe Dylber Ademës. Artur Guri është nga Tirana, i dënuar në Turqi për veprën penale “Eksportimi i drogave”, parashikuar nga legjislacioni penal i Turqisë. Edhe Elton Muça është banues në Tiranë por i dënuar për veprën penale “Vjedhja me armë”, ndërsa Dylber Adema, banues në Kukës është i dënuar për “Trafikim të Narkotikëve”.