Irani organizoi parada ushtarake të premten në të gjithë vendin, për të shënuar ditën e Ushtrisë, duke shfaqur një gamë të gjerë të dronëve, raketave, tankeve dhe pajisjeve të tjera më të fundit të prodhuara në vend. Ngjarja vjen një ditë para raundit të dytë të bisedimeve bërthamore mes Iranit dhe Shteteve të Bashkuara të amerikës, që do të mbahet në Romë të shtunën. Dronët e zhvilluar në vend, duke përfshirë modelet Karrar, Arash dhe Mohajer, me motor jet, u shfaqën në paradën në Teheran, njoftoi televizioni shtetëror. Përveç kryeqytetit, parada ushtarake u organizuan edhe në qytete të tjera të mëdha. Në paradën e Teheranit u panë gjithashtu sistemet e mbrojtjes ajrore S-300 të prodhimit rus. Parada u ndoq nga Presidenti Masoud Pezeshkian, i cili vlerësoi ushtrinë si "kështjellën e fortë" të vendit. Shfaqja ushtarake erdhi një ditë përpara se delegacionet nga Irani dhe Shtetet e Bashkuara të takohen në kryeqytetin italian për një raund të dytë të bisedimeve bërthamore indirekte të ndërmjetësuara nga Omani. Raundi i parë, i mbajtur në Muscat të shtunën e kaluar, u cilësua nga të dyja palët si "konstruktiv".