Ushtria spanjolle u angazhua të hënën për të vënë nën kontroll një shpërthim të gripit të derrit pranë Barcelonës, që zyrtarët dyshojnë se mund të jetë shkaktuar nga një derr i egër që hëngri ushqim të kontaminuar, duke shkaktuar një zinxhir ngjarjesh që tani po prishin industrinë multi-miliarda euroshe të eksportit të mishit të derrit në vend. Spanja konfirmoi të premten se dy derra të egër ishin gjetur të ngordhur në parkun Collserola, 21 km larg nga Barcelona, dhe kishin rezultuar pozitivë për sëmundjen, duke nxitur krijimin e një zone izolimi prej 6 km rreth zonës së prekur në Bellaterra. Autoritetet aktualisht po analizojnë më shumë raste të dyshuara në zonë dhe presin rezultate të tjera pozitive. "Mundësia më e mundshme është që ushqimi i kontaminuar, mund të ketë përfunduar në një kosh dhe pastaj një derr i egër e ka ngrënë atë dhe është infektuar", tha ministri i bujqësisë i Katalonjës të hënën. Murtaja afrikane e derrave, ndërsa është e padëmshme për njerëzit, përhapet me shpejtësi mes kafshëve, duke paraqitur një rrezik të konsiderueshëm ekonomik për Spanjën, një nga eksportuesit më të mëdhenj të mishit të derrit në botë. Zona e infektuar është afër autostradës AP-7, një rrugë kryesore transporti që lidh Spanjën dhe Francën.